Májilis Parlamenttiń qyzmetin úzdik nasıhattaǵan jýrnalısterge arnalǵan «Parlament sózi» syılyǵyna úmitkerlerden ótinim qabyldaýdy bastady, dep jazady Egemen.kz aqparat agenttigi.
Dástúrli baıqaýdy qorytyndylaý jáne jeńimpazdardy anyqtaý jýrnalısterdiń kásibı merekesi – Buqaralyq aqparat quraldary qyzmetkerleri kúni qarsańynda ótedi.
Osy syılyqqa Palatanyń zań shyǵarýshylyq qyzmeti jaıly 2024 jylǵy qyrkúıek pen 2025 jylǵy 13 maýsym aralyǵynda jarııalanǵan jáne efırge shyqqan materıaldar qabyldanady.
Jeńimpazdar 7 nomınasııa boıynsha marapattalady. Olar –úzdik televızııalyq sıýjet, baspa jarııalanym, ınternet, radıo jáne foto materıal. Sondaı-aq «Parlament sózi» nomınasııasy, Parlamenttik jýrnalıstıkany damytýǵa qosqan úlesi úshin nomınasııasy men Parlament Májilisiniń qyzmeti týraly jasalǵan arnaıy reportaj da atap ótiledi.
Jeńimpazdardy Májilis depýtattarynan quralǵan arnaıy komıssııa anyqtaıdy.
О́tinimderdi 2025 jylǵy 16 maýsymǵa deıin Smimazh@parlam.kz elektrondyq poshtasyna jiberýge bolady.
Qosymsha aqparatty Májilistiń resmı saıtynan nemese 74-63-01, 74-63-05 baılanys telefondary arqyly ala alasyzdar.